Ai tashmë është rritur. Ademi, nipi i Komandantit Legjendar, ka mbushur 14 vjeç dhe shkon në shkollën “Shaban Jashari” në Skënderaj.
Qysh në shkim të parë, Ademi i ri i Familjes së madhe, vërehet se ka trasheguar nga gjyshi jo vetëm emrin, por edhe tiparet tjera që e bëjnë atë të madh; ashtu sic e ka edhe emrin, shkruan Magazina.al
Ademin sikur edhe anëtarët tjerë të familjes Jashari, sot kanë pasur mundësi t’i shohin shumë vizitorë që kanë shkuar në kompleksin memorial “Adem Jashari”, në 19 vjetorin e rënies së kësaj familje emblemë.
Djali i Lulzim Jasharit, është krenar me emrin që mban. Madje, sic ka thënë ai vet, është shumë i kujdesshëm për veprimet që bën, duke ditur peshën e emrit që mban.
Ka kohë që familja Jashari, nuk paraqiten nepër media, por Ademi ia ka plotësuar dëshirën gazetares së RTK-së, Shqiponjë Osmanajt, që ta bëjnë një foto e cila për gazetaren ka qenë më e vecanta e bërë ndonjëherë. “Ndjenja me madheshtore,krenaria e vazhdueshme e familjes ADEM JASHARI i dyte. Faleminderit Zotit dhe gjakut te heronjeve per kete diell te ri mbi KOSOVE.
Krenare si Shqiponja ne flamur. Per 18 vite mbi 12 milion vizitore ne kompleksin memorial Adem Jashari ne Prekaz”, ka shkruar Osmanaj në postimin e saj, Magazina.al
