Tashmë është bërë traditë që spektakli i humorit “Portokalli” kthehet në një shou lëvizës në verë.
Ata bëjnë disa spektakle në qytete të ndryshme të Shqipërisë, duke risjellë personazhet më të suksesshme të sezonit, në skenat e hapura.
Ndërkohë, secili prej tyre përfiton nga ditët e pushimit për t’u relaksuar në plazhe.
Paparaci i Panoramës i ka fotografuar në Dhërmi, Salsano Rrapin me të shoqen, Albana Ferhatin, aktoren e rolit të famshëm të Bukrës dhe miq të tjerë.
Gjithashtu, edhe Flori, sozia e kryeministrit Rama dhe “polici i famshëm”, ka zgjedhur Dhërmiun për të pushuar në fundjavë bashkë me familjen e tij.
