Në këto momente po luhet në stadiumin “Loni Papuçiu” të Fierit miqësorja mes Apolonisë dhe Luftëtarit. Që në minutën e 2-të kanë kaluar në avantazh gjirokastritët me anë të Maldin Ymerajt dhe kur pjesa e parë po i drejtohej fundit ka ndodhur diçka e pazakontë.
Policia ka urdhëruar ndërprerjen e takimit, pasi një helikopter i Ministrisë së Shëndetësisë do të ulej në tapetin e stadiumin, pas një rasti urgjent. “Panorama Sport” ka siguruar foto nga momenti i uljes së helikopterit, që po priste ambulancën dhe do të transportonte drejt kryeqytetit një person me probleme të rënda shëndetësore. Aktualisht lojtarit po presin të rifillojë takimi.
