Tragjedia e ndodhur pak ditë më parë në Torovicë të Lezhës mund të përsëritet nëse nuk merren masa.
Banorët e fshatit kanë dërguar disa fotografi në Opinion.al, ku tregojnë gurë të mëdhenj në krye të malit, ndërsa poshtë për qindra metra ndodhen banesat e fshatit, çka mund të rrezikojnë seriozisht jetët e tyre.
Nëqoftë se Bashkia e Lezhës, Shërbimi i Gjeologjisë apo Emergjencat Civile nuk i monitorojnë këto gurë, shanset për t’u përsëritur një tjetër tragjedi janë shumë të mëdha.
Tri ditë më parë, si pasojë e rrëshqitjes së një guri të madh nga i njëjti mal, dy vëllezër dhe bashkëshortja e njërit prej tyre shtatzënë humbën jetën pasi shkëmbi goditi makinën e tyre tip Fuoristradë, duke e shkatërruar atë.
