Ndodh në Shqipëri: Gjyqtari i FIFAs nuk lejohet të hyjë në stadiumin ku pas më pak se dy orësh do të drejtojë derbin e kryeqytetit.
Enea Jorgji është caktuar nga FSHF si personi i cili do të gjykojë këtë sfidë dhe elbasanasi, meqë ndeshja zhvillohej në qytetin e tij të lindjes, nuk kishte arsye pse të udhëtonte me mjetet e FSHFsë drejt stadiumit “Elbasan Arena” ku do të luhet dueli.
Në hyrje të stadiumit, policia nuk e ka lejuar që të futet brenda rrethimit me automjetin personal duke e lënë në pritje për rreth 10 minuta.
Arsyeja ishte e thjeshtë: askush nuk kishte vendosur targën e makinës së tij në listën e automjeteve që lejohen brenda rrethimit dhe atij i është dashur që të presë afrimin e zyrtarëve të FSHFsë që të sqaroheshin me policinë, për ta lejuar më në fund të hynte në stadium.
