Një zjarr i fortë gjatë ditës së sotme ka përfshirë vijën kufitare mes Malit të Zi dhe Shqipërisë.
Banorët e fshatit Vuthaj në Mal të Zi, kërkojnë ndihmën e autoriteteve shqiptare, pasi nga ana malazeze ndihma për shuarjen e flakëve është e pakët.
Fshati Vuthaj në Mal të Zi është në kufi me Shqipërinë dhe është i banuar nga shqiptarët.
Referuar mesazhit të ardhur në adresën e Opinion.al, gjendja atje është shumë e rëndë, ndërsa flakët kanë mbërthyer gjithë bjeshkët, duke rrezikuar seriozisht edhe jetën e banorëve të zonës.
