Serbia është shteti që nisi dhe zhvilloi luftëra të përgjakshme në këto anë, në të cilat, për qëllime megalomane ekspansioniste, u vranë qindra mijëra njerëz të pafajshëm dhe u mbuluan me të zeza po aq familje si kosovare, ashtu edhe boshnjake dhe kroate.
Ky shtet kurrë nuk kërkoi falje për krimet e tmerrshme, kurse sot që andej ka ardhur një iniciativë me të cilën pjesëtarëve të kombeve që panë ferrin me sy nga po ky shtet, u çohet mesazhi se “janë të mirëseardhur në Beograd!”. Ja se për çka bëhet fjalë:
Një grup të rinjsh dhe të rejash të Beogradit, sot në qendër të kryeqytetit serb u ka përcjellë mesazh të gjithë atyre që duan ta vizitojnë qytetin dhe të jetojnë në të, njoftuan mediat serbe.
Siç transmeton Expressi, ata në Sheshin e Republikës kishin dalë me një transparent në të cilin shkruan: “Kroatët, boshnjakët, shqiptarët në këtë qytet nuk janë të huaj”.
Këtë foto në Tëitter e ka publikuar drejtoresha e Iniciativës së të Rinjve për të Drejtat e Njeriut Anita Mitiq, me komentin “Beogradi është qytet i hapur për të gjithë ata që dëshirojnë të jetojnë në të”.
