Mediat lokale kanë sjellë disa pamje nga vendi i ngjarjes ku humbi jetën një shqiptar, 35-vjeç, mëngjesin e sotëm në Kretë, pasi u sulmua me thikë nga fqinja e tij greke.
Ato raportojnë se ngjarja e rëndë ka ndodhur rreth orës 01:00 të mëngjesit të sotëm, kur shqiptari 35-vjeçar, baba i dy fëmijëve është qëlluar disa herë me thikë nga fqinja e tij, një 26-vjeçare përdoruese droge.
Sipas tyre, 26-vjeçarja ishte duke ulëritur me zë të lartë në kohën kur shqiptari kishte shkuar për t’a qetësuar.
Mirëpo, ky moment, ka rezultuar fatal për shqiptarin, pasi kur ai ka shkuar pranë, ajo ka marrë një thikë nga kuzhina dhe e ka qëlluar disa herë në kraharor.
Gruaja e re, e cila është një përdoruese kronik e drogës, ishte në krizë dhe filloi të bërtiste dhe dëmtonte cilindo që i dilte përpara.
Mësohet edhe pse ndihma e shpejtë i është dhënë, shqiptari ka humbur jetën rrugës për në spital.
