Një foto e fundit e Lionel Messit, duke ecur në këmbë bashkë me qenin e tij, Hulk (të madhin), i veshur me një bluzë të “Bulls” në NBA, me “look”-un e ri të flokëve dhe mjekrën, ka bërë xhiron e rrjeteve sociale, por edhe të mediave botërore. Mirëpo, ylli argjentinas i Barcelonës ka jo vetëm fansa, por edhe “armiq”, kryersisht ata që adhurojnë rivalin e tij më të madh në futboll, Cristiano Ronaldo. Nuk dihet nëse janë këta të fundit, apo mbështetës të “armiqve” të “El Clasico”, Realit të Madridit, ata që kanë nisur një fushatë me foton në fjalë, por të tjetërsuar në “photoshop”. Kompozimi invers i subjektit të fotos e vendos kokën e Messit si kokë të qenit, ndërsa ai që tërheq Hulk për litari ka trupin e pesë herë fituesit të “Topit të Artë” dhe kokën e kafshës besnike.
Fotoja reale – Leo Messi është i aftë për të bërë gjëra të mbinatyrshme në fushën e lojës, por kur zbath këpucët e futbollit, ai ka mënyrën e tij të kalimit të kohës së lirë. E diela e shkuar erdhi një ditë pas humbjes së parë të sezonit me klubin, ndërkohë që ylli argjentinas i Barcelonës ishte i fokusuar te familja e tij, për të shijuar ditën e pushimit, të dhënë nga Luis Enrique. Pesë herë fituesi i “Topit të Artë” i dha vetes mundësinë të ecë me dy qentë e tij, Hulk (të madhin) dhe Toby (të voglin).
Këtë nuk e bëri vetëm Messi, por e gjithë familja ecte në këmbë poshtë malit ngjitur me shtëpinë e tij në “Castelldefels”. Argjentinasi hodhi në Instagram një foto, në të cilën shfaqet i veshur me një këmishë të “Chicago Bulls”, duke ecur me qenin, të cilin partnerja e tij, Antonella Rocuzzo, ia bëri dhuratë në janar 2015. Pak kohë më pas, në shtëpi, ishte Antonella, që ndau me ndjekësit në rrjetet sociale një fotografi, ku shfaqet Leo dhe Tiago i vogël.
Më pas duket një grua e re, me djalin e vogël të çiftit, Mateu. Fotoja zbuloi një detaj kurioz, në lidhje me fanellën e Barçës. Miliona tifozë veshin T-shirt e Leo Messit, në të gjithë botën, por vetë argjentinasi kë admiron, deri në pikën sa të marrë fanellën e tij? Antonella e zbuloi misterin. Messi “dorëzohet” para Derrick Rose, numri një nga “Bulls”, që këtë merkato vere ka revolucionarizuar NBA, duke nënshkruan për New York Knicks. Të dy sportistët kanë pasur një projekt të përbashkët, si imazh të Adidas.
