Përgjatë ditës së djeshme, deputeti Ben Blushi u përfol si pjesëmarrës në drekën mes Kreut të LSI-se Ilir Meta dhe ish-presidentit Rexhep Mejdani. Në një kohë kur klima politike dhe aleanca PS-LSI po shënon një lloj paqëndrueshmërie, pjesëmarrja e deputetit socialist në një drekë të tillë, do të kishte vërtet diçka për të kuptuar.
Por ishte vetë Blushi që e mohoi pjesëmarrjen në këtë drekë, duke deklaruar që nuk ndodhej në Tiranë, por me pushime në Himarë ku do të vazhdojë të qëndrojë.
Paparaci i Opinion.al e ka fotografuar deputetin Blushi pak minuta më parë në zonën e Porto Palermos, në shoqërinë e bashkëshortes së tij, Eva, teksa pushon i qetë ashtu sikurse kishte pohuar edhe vetë një ditë më parë.
