Më shumë se tre milion pëlqime ka marrë në facebook një foto e themeluesit të këtij rrjeti, Marc Zuckerberg ku shfaqet me vajzën e tij në duar.
“Vizitë te mejku-koha për vaksina”, shkruan Zuckerberg.
Por kjo foto ka rihapur nje debat në SHBA mbi atë se sa të rrezikshme janë vaksinat për fëmijët.
Lëvizja kundër vaksinimit mendohet se filloi me një dokument shkencor të vitit 1998 që sugjeronte një lidhje mes vaksinave dhe autizmit.
Artikulli, i cili u botua në revistën e njohur shkencore, Lancet tërhoqi akuzat se të dhënat janë të falsifikuara.
Shumë mjekë thonë se vaksinat janë mënyra më e mirë për të ndaluar përhapjen e sëmundjeve si gripi, poliomieliti dhe fruthi. Shumica e dhjetëra mijëra komenteve në foton e Zuckerbergut janë përkrahëse.
Një komentues online që ishte kundër vaksinave tha se “Injektimi i të sapolindurve dhe foshnjave me sëmundje dhe neurotoksina është shkencë e neveritshme që lëndon miliona çdo vit”.
Ndërsa një tjetër që është kundër vaksinave thotë se “Autizmi, encefaliti, dëmtimi i trurit, çrregullimet auto-imune, astma, alergjitë, çrregullim bipolar… Gjithë këto sëmundje neurologjike dhe të tjera në 35 vjetët e fundit! Mendoni! E vetmja gjë që këta fëmijë kanë të përbashkët është vaksinimi!”
