Kjo foto e shkrepur në mes te viteve ’60 është një ndër fotot më të bukura, të dy shkrimtarëve më të njohur shqiptarë, Ismail Kadaresë dhe Dritëro Agollit. Kadare dhe Agolli kanë pasur një histori të gjatë njohjeje, bashkëpunimi, por edhe përplasjesh. Të dy bashkë ata janë njohur në Gjimnazin e Gjirokastrës, ku Agolli ishte 2 vjet më lart në shkollë, por ata ishin bashkë në rrethin letrar. Agolli studioi në Leningrad (St Petërsburg sot) ndërsa Kadare në Moskë në Institutin Gorki pasi mbaroi studimet në Tiranë.
Kadare dhe Agolli sollën një frymë të re në letërsinë shqipe. Ata modenizuan atë dhe gjuhën. Miqësia e tyre qe evidente dhe sic shprehet Kadare të dy bashkë kanë bërë biseda të hapura kundër regjimit. Këto biseda u ndërprenë, thotë Kadare, kur Agolli u bë Kryetar i Lidhjes se Shkrimtarëve dhe anëtar i Komitetit Qëndror. Por ne kemi folur sërish kundër regjimit në ditët e fundit të jetës së Enver Hoxhës, thotë Kadare.
Raporti mes tyre u duk më i mirë në Tetor 1990, kur Agolli mbrojti ikjen e Kadaresë nga Shqiperia. Më pas ata kanë pasur një marrëdhënie më sporadike, por në fund kanë pasur sërish një raport miqësor. Sic u shpreh Kadare, lajmi për vdekjen e Agollit ishte lajmi më i trishtë i këtij dimri./opinion.al
