Jennifer Lopez ka publikuar së fundmi në ‘Instagram’ një foto të sajën ku duket shumë tërheqëse dhe në formë.
“Dita e 9-të dhe mezi po pres ditën e 10-të”, shkroi ajo duke ju referuar kështu sfidës që nisi për të qëndruar 10 ditë pa marrë sheqerna dhe karbohidrate.
Nga shumë komente të ndjekësve, ai që ra në sy ishte komenti i ishit të saj, Puff Diddy, i cili nuk i rezistoi dot fotografisë së fundit të Jennifer Lopez.
“O Zot i madh”, shkroi reperi dhe vendosi një emoji me sytë plot zemra, duke treguar se Jennifer vazhdon ta mahnisë me bukurinë e saj.
Por vetëm disa minuta pas këtij komenti ka reaguar i dashuri i Jennifer Lopez, i cili tregoi se kujt i përket ajo.
“Lum si unë“, shkroi ai duke e shoqëruar komentin me një zemër.
Rreth viteve 1999 Puff Diddy dhe Jennifer Lopez ishin çifti amerikan më i bujshëm i showbizz-it. Ata u ndanë disa vite më vonë pas problemeve të Puff Diddy me ligjin dhe drogën.
“Elle” raporton se kjo nuk është hera e parë që Puff Diddy reagon publikisht për yllin e famshëm. Në vitin 2014 ai e quajti trupin e saj një vepër arti që do të mbetej në histori. Duke i kërkuar falje Kim Kardashian, ai tha se trupi i J.Lo është diçka krejt tjetër.
Ndërkohë, këngëtarja është në një lidhje prej disa kohësh me Alex Rodriguez./E.M
