Ylli i ri i Juventusit Cristiano Ronaldo, ndodhet momentalisht në Kinë për një event të organizuar nga një prej sponsorave të tij. Futbollisti ndodhet prej disa kohësh me pushime, ndërsa pas datës 30 korrik do të rikthehet në Torino për të vijuar stërvitjet me “Zonjën e Vjetër”
Mirëpo një foto e fundit e postuar në Instagram, ka bërë që të gjithë fansat të mendojnë se Ronaldo po ironizon Messin. Ai shfaqet në një sallon me këpucë, teksa mbrapa është një bluzë me mbishkrimin GOAT. Fraza GOAT do të thotë ‘Greatest of all times’ (më i miri i të gjitha kohërave) dhe Messi e ka përdorur në një reklamë para disa kohësh, e cila u bë virale.
Menjëherë fansat i kanë komentuar Ronaldos në foton e postuar, duke i shprehur që po përpiqet të ironizojë Messin.
