Roboti “Curiosity” i NASA-s, ka sjellë disa pamje mahnitëse të planetit Mars, ku po qëndron prej vitit 2012.
Për katër ditë rresht, roboti realizoi fotografi nga mesdita dhe ora 14:00, në mënyrë që ndriçimi të ishte i njëjtë tek të gjithë.
Kështu, ai arriti të sillte një sërë imazhesh, ku e fundit është një foto panoramike e realizuar duke bashkuar më shumë se 1000 fotografi normale. Një tjetër foto më e vogël panoramike është realizuar me 650 milionë piksel.
Fotografitë panoramike janë realizuar në Glen Torridon. Kjo është një zonë pranë malit Sharp, emërtuar kështu sipas malësisë veriperëndimore të Skocisë, ku ndodhen disa prej shkëmbinjve më të vjetër në botë./Opinion.al
