Fatmir Xhafaj ka lënë përfundimisht zyrën e tij në Ministrinëe Brendshme. Ish-ministri ka hyrë aty rreth mesditës dhe është larguar rreth orës 20:40 të mbrëmjes së të shtunës. Dhe duket se kjo do të jetë dalja e fundit nga kjo zyrë, pas lajmit për dorëheqjen.
Xhafaj dhe Kryeministri Rama nuk kanë dhënë detaje lidhur me arsyet e kësaj dorëheqjeje. Per here të parë lajmin e bëri publik Kryeministri. Pas daljes në media dhe një reagimi në tuiter, ku kryesisht falënderonte mbështetësit e tij, Xhafaj nuk ka dhënë komente, ndonëse gjatë daljes nga Ministria gazetarët i drejtuan pyetje.
