Në kohën që socialistët zhvillonin sot Asamblenë Kombëtare, një grup të rinjsh ka vendosur të protestojë në mënyrë ironike dhe shumë të edukuar, përpara ambjeneteve të godinës ku zhvillohej mbledhja.
Me kallama në duar, ata kishin vendosur të peshkonin dhe në mënyrë butaforike kanë zgjedhur disa peshq letre mbi të cilët dalloheshin imazhe të disave nga deputetët dhe ministrat socialistë,me mesazhin e qartë se këta janë peshqit e mëdhenj të politikës.
Foto nga ky peshkim në tokë të thatë, ka publikuar edhe deputeti demokrat Ervin Salianji, i cili përmes një postimi në Fb shkruan:
“Vendi më i mirë për të gjuatur peshk të madh, Asambleja e PS! Çuna të zgjuar këta, shkojnë për gjueti pa lodhje, atje ku ka plot!”.
