Familje me fëmijë kanë mbetur të zëna në kurth, teksa flakët e zjarrit kanë përfshirë qytetin turistik të Matit vetëm pak kilometra larg Athinës. Bilanci tragjik shënon 26 viktima vetëm në këtë zonë, duke e çuar në total numrin e personave të djegur dhe asfiksuar nga 15 vatra zjarri të hapura njëkohësisht përreth Athinës.
Greqia ka kërkuar ndihmë nga vendet anëtare të Bashkimit Europian, ndërsa në vend është shpallur zia.
Grupet e emergjencave arritën të gjejnë grupin prej 26 viktimash ne nje taverne qe mori flake, të shtrirë së bashku në një fushë, jo më larg se 30 metër nga deti, në zonën e Matit në lindje të Greqisë.
Disa prej tyre ishin fëmijë dhe janë gjetur të përqafuar. Nikos Economopoulos, kreu I Kryqit të Kuq Grek tha për Skai TV se ata ishin përpjekur të largoheshin, por nuk kishin arritur në kohë. “Në mënyrë instiktive, duke parë që fundi ishte pranë ata janë përqafuar,” tha ai.
Zv.Ministri grek i Marinës Nektarios Santorinios, tha se më shumë se 700 vetë janë evakuuar nga deti përmes rojeve bregdetare. Në total raportohen 60 të vdekur, sipas Evangelos Bournous, Kryebashkiaku I Rafina-Pikermi. Mendohet se zjarret në Greqi janë shkaktuar qëllimisht, por nuk dihen autorët dhe shkaku. / Opinion.al
