Masat e rrepta të ndërmarra nga Presidenti i sapozgjedhur Rodrigo Duterte në luftën ndaj drogës, përveçse vrasjeve pa kriter të trafikantëve ka sjellë edhe një mbipopullim të burgjeve të vendit.
Burgje të parashikuara për mbajtjen e 800 të dënuarve, sot kanë mbi 4000 persona të cilët ruhen nën masa të larta sigurie në Filipine.
Zyrtarë filipinas kanë bërë të ditur se ky fakt nuk do t’i ndalojë në luftën e nisur nga Duterte, duke premtuar ndërtimin e burgjeve të reja për të përballuar këtë krizë.
Aktivistë për të drejtat e njeriut e kanë krahasuar me skenën e “Purgatorit” të shkrimtarit italian të shekullit të 13-të, Dante Aligierit.
