Sulmuesi suedez, i cili kaloi kësaj vere nga PSG te Manchester United, Zlatan Ibrahimovic, është kritikuar nga grupe të mbrojtjes së të drejtave të kafshëve për vrasjen e drerëve në vendpushimin e tij të skive, në vitin 2014. Goleadori i njohur, që mbërrin në “Old Trafford” me 454 gola në 793 ndeshje, me klubet dhe kombëtaren, është një gjahtar i mprehtë dhe shpesh mund ta gjeni me një pushkë mbi shpatullën e tij në shkretëtirën suedeze. 34-vjeçari, i cili ka mbajtur një armë gjuetie me leje të paktën që prej vitit 2010 u kritikua ashpër në Suedi për të shtënat dhe vrasjen e një dreri në afërsi të shtëpisë, që ai zotëron në vendpushimin suedez të skive.
Megjithatë, Ibrahimovic, së shpejti do të mësojë se ligjet për armët në Angli janë shumë më të rrepta se në Suedi. Një burim i tha gazetës “Expressen” se sulmuesi kishte qenë “shumë i lumtur” me vrasjen e një dreri 500 kg, të cilin e kishte palosur me një të shtënë në zemër. Nga ana e saj, Camilla Björkbom, e shoqatës së mbrojtjes së të drejtave të kafshëve në Suedi ka thënë se veprimet e Ibrahimovic ishin problematike. Ajo tha: “Është gjithmonë problematike, kur njerëz të famshëm bëjnë gjëra të tilla, sepse atëherë duket sikur mbështesin këtë lloj aktiviteti.”
Më parë, në vitin 2014, Ibrahimovic ishte shfaqur në një reklamë për firmën suedeze të makinave “Volvo”, ku shfaqej në një udhëtim gjuetie. Ibrahimovic kishte goditur shtypin suedez, pasi u raportua se ai kishte blerë një ishull të tërë, i njohur të jetë shumë pjellor për gjuetarët. Në vitin 2012, Ibrahimovic është thënë se ka blerë ishullin e Davensö, në perëndim të Stokholmit, i cili përfshin edhe “Mälaren”, liqenin e tretë më të madh në vend. Dashuria e tij për gjuetinë doli në dritë në vitin 2011, kur botoi autobiografinë “Unë jam Zlatan”. Aty përshkroi vartësinë e krijuar ndaj këtij lloj sporti. Ibrahimovic është, gjithashtu, tifoz i peshkimit dhe ecjes.
