Edhe pse ditë më parë u raportua në të gjitha mediat botërore se fusha mund të mos jetë në nivelin e duhur për finalen e Ligës së Kampionëve, duket se do të jetë krejtësisht e kundërta.
Gjatë ditës së sotme kanë qarkulluar disa fotografi ku ajo që ka rënë në sy është puna e palodhshme që po bëhet në ‘San Siro’ për të pritur sa më mirë Finalen e Champions League. Një staf i gjerë po punon vetëm e vetëm që stadiumi në fjalë të jetë plotësisht i gatshëm për duelin madrilen mes Real Madridit e Atletico Madridit, që do zhvillohet me 28 maj.
Stafi punonjës është ndarë në disa grupe që po përkujdesen për mirëmbajtjen, rregullimin e barit, dekorime në rrugët që të dërgojnë për tek stadiumi si dhe dekorimet e fundit jashtë stadiumit që tregojnë për finalen e madhe të 28 majit.
Më poshtë disa fotografi nga parapërgatitjet e ‘San Siros’ për finalen e Ligës së Kampionëve.
