Greqia është përfshirë nga zjarret që kanë prekur disa zona të vendit, ndërkohë që Kryeministri Tsipras ka shpallur gjendjen e emergjencës për zonën e Atikas. Pikërisht në këtë zonë një tavernë në breg të detit ne Mati, është rrethuar nga flakët duke çuar në humbjen e 26 jetëve. Numri i viktimave të shkaktuara nga zjarret e këtyre ditëve në Greqi ka shkuar në 60 sikurse raportojnë përfaqësuesit e Kryqit të Kuq. Shume prej viktimave kane mbetur te izoluar ne automjete, nderkohe qe kryetari i bashkise njofton se numri i twe vdekurve mund te rritet.
Imazhet tronditëse të postuara nga qytetarët e zakonshëm që largoheshin nga resorti i Matit në Lindjen e Attikës, që u godit nga zjarret po bejne xhiron e mediave sociale. Fotot tregojnë njerëz të lodhur që mezi mbahen në këmbë në breg në mes të tymit duke pritur që të shpëtohen nga anijet e marinës të vendosura nga Ministria e Mbrojtjes Greke për të ndihmuar në përpjekjet për evakuim.
Deri tani veç viktimave llogariten të paktën 1 mijë shtëpi të djegura dhe treqind automjete.
Ministra e Jashtme e Shqiperise raporton se nuk ka shqiptare mes viktimave.
