Personi që është vrarë mbrëmjen e sotme në zonën e Ish-Bllokut mbetet ende I paidentifikuar. Trupi i pajetë është larguar tashmë nga vendngjarja, ndërkohë që ambulance e ka dërguar atë në morgun e Tiranës.
Për emrin e saktë të viktimës, ende nuk ka informacione zyrtare, por në ekranin e Top Channel, gazetari Ferhati u shpreh se flitet për një djalë me emrin Ylli, por ky nuk është një informacion i saktë.
Ndërkohë, gazetarja Eni Vasili tha në studion e emisionit të saj, se ajo kishte një emër, por jo zyrtar. Megjithatë gazetarja tha se mendohet që mbiemri i viktimës është Gaxha.
Panorama, shkruan se viktima është Rigers Gaxha, por në informacione paraprake dhe te pakonfirmuara.
