Në Pallatin e Kongreseve rreth orës 10:00 do të nisë Kuvendi Kombëtar i PD-së. 1800 delegatë të Kuvendit të Partisë Demokratike do të zgjedhin sot Këshillin e ri Kombëtar të kësaj force politike, ku mes emrave të propozuar bien në sy edhe rikthimi i disa figurave të njohura për demokratët.
Ndërkohë teksa ka mbetur më pak se një orë nga nisja e Kuvendit, kanë dalë dhe pamjet e para ku shfaqet hyrja e Pallatit të Kongreseve e mbuluar nga një banderolë ngjyrë blu, me logon e vjetër të PD-së si me sloganin e Kuvendit: “Më të bashkuar, më të fortë, më të hapur”.
Sikurse duket në fotot e mëposhtme në rrugicat hyrje të Pallatit të Kongreseve janë vendosur në të dyja anët flamujt e SHBA-ve, BE-së, Shqipërisë si dhe Partisë Demokratike.
