Era Istrefi nuk është e vetmja artiste që po synon tregun muzikor ndërkombëtar. Edhe mjaft artistë dhe këngëtarë të tjerë shqiptarë po synojnë çdo ditë e më shumë të fitojnë vëmendje ndërkombëtare. Një ndër këngëtaret e cila po liston sukseset në muzikë jo vetëm në trojet shqiptare, por edhe më gjerë është Dafina Zeqiri. Më në fund, edhe Dafi po finalizon një projekt shumë të rëndësishëm. Por për çfarë bëhet fjalë?
Siç shkruan Prive, këngëtari shqiptar që jeton në Suedi, mik i Dafit, ka zbuluar pak nga projekti i saj që po synon të shtrihet ndërkombëtarisht. Nga një foto që ka postuar së bashku me artisten në profilin e tij, shkruhet:
“Diçka shumë emocionuese po ndodh për Dafina Zeqirin dhe mua më rastisi të jem atje dhe ta dëshmoj të gjithën në Los Angeles. Shumë krenar me ty.” Pas këtij lajmi, të gjithë janë bërë kureshtarë për të mësuar çfarë ka ndër mend të bëjë së shpejti Dafina Zeqiri?
