Vajza 17-vjeçare që dyshohet se vrau me mjete të forta të dashurin e saj 16-vjeçar brenda makinës në Tetovë dhe më pas hodhi trupin në lumë ka dalë sot para gjykatës.
Në foto shihet momenti kur ajo mbërrin në gjykatë teksa mban një kapuç në kokë për të mos u identifikuar.
Ndërkohë adoleshentja është pritur me protesta para dyerve të gjykatës nga shokët dhe shoqet e klasës së viktimës, të cilët me lot në sy bërtisnin: “Drejtësi për vëllain tonë Beharin.”
Ngjarja e rëndë ndodhi mbrëmjen e 21 dhjetorit tek vendi i quajtur “Banjat e Tetovës”. Trupi i pajetë i adoleshentit u gjet në ujë. Pas arrestimit e dashura e tij pranoi se ishte autorja e krimit. Ajo tha se e goditi e mjete të mprehta në kokë pas një debati në makinë.
Sakaq, ditën e sotme kushëriri i viktimës tha se i riu ishte në një lidhje me autoren e dyshuar të krimit prej 4 vitesh. Po ashtu ai ka thënë se 16-vjeçari para se të largohej nga banesa u ka thënë familjarëve që do të takohej me të.
