I riu që po shikoni në foto është 23-vjeçari shqiptar Flonini Merkuri, i cli u vra nga ish-bashkëshorti i partneres së tij në Itali.
Ngjarja ndodhi të dielën në Venecia të Italisë, ku 41-vjeçari Viron Karrabolaj, vrau me thikë 37-vjeçaren Mynevere Karabollaj, Vera Myrtaj me emrin e vajzërisë dhe 23-vjeçarin Flonino Merkuri.
Ndërkohë, Vironi u gjet i vdekur pasi vrau ish-bashkëshorten dhe partnerin e saj të ri në mbrëmjen e së dielës 20 nëntor në një shtëpi në Spinea , në zonën e Venedikut .
15-vjeçarja ka gjetur trupin e pajetë të partnerit të mamasë së saj të shtrirë në tokë në garazh. E frikësuar ajo është larguar dhe ka lajmëruar policinë, ndërsa më vonë, ajo mësoi se edhe nëna e saj kishte humbur jetën në të njëjtën mënyrë.
Më pas, ka pritur jashtë shtëpisë për mbërritjen e karabinierëve. Pasi policia ka mbërritur në vendngjarje ka zbuluar trupat e viktimave dhe thikën me të cilën ish-bashkëshorti i 37-vjeçares kishte kryer vrasjen e dyfishtë.
Sipas hetuesve lidhja e tyre kishte nisur dy vite më parë, ndërsa mendohet se ish-bashkëshorti nuk e ka pranuar këtë fakt.
Sipas prokurorisë së Venecias, Viron Karabollaj e kishte planifikuar vrasjen me përpikmëri.
Fillimisht, priti që vajza e tyre e madhe, 15-vjeçe, të dilte nga shtëpia me miqtë për të shkuar në klub.
Më pas, ai dërgoi vajzën e tij më të vogël, 13-vjeçe, në banesën ku jetonte pas ndarjes nga bashkëshortja dhe shkoi në shtëpinë ku banonte ish-gruaja e tij dhe partneri i ri.
