Presidentja e Komisionit Europian, Ursula Von Der Leyen, ka takuar këngëtaren me origjinë shqiptare, Dua Lipa.
Këtë gjë ajo e ka treguar përmes një postimi në rrjetin social “Twitter”, ku presidentja ka ndarë edhe një foto me këngëtaren me origjinë shqiptare.
Von Der Leyen nuk e ka fshehur kënaqësinë e këtij takimi dhe nuk i ka kursyer fjalët e mira, teksa shkruan se Dua ka një ndikim shumë të madh në botë.
“Shumë e lumtur që takova DUA LIPA-n në Çmimet e Lidershipit të Këshillit Atlantik. Dua, ti ke një ndikim kaq të madh në botë. Me muzikën tuaj dhe energjinë tuaj unike, ne të gjithë “ngrihemi në ajër”,”-shkruan ajo duke përdorur titullin e albumit të Dua Lipas, “Levitating”./Opinion.al
So happy to meet @DUALIPA at the @AtlanticCouncil Leadership Awards.
Dua, you have such a great impact on the world.
With your music and your unique energy, we are all “levitating” pic.twitter.com/xPemFfywd6
— Ursula von der Leyen (@vonderleyen) November 11, 2021
