Policia ka ndërhyrë në zonën e Fushë-Krujës duke kapur një sasi të madhe droge dhe armësh. Sipas njoftimit zyrtar bëhet fjalë për 425 kg hashash dhe 12 armë zjarri.
Operacioni është kryer në bashkëpunim me Krimet e Rënda dhe në pranga kanë rënë: Bledar CORAJ, 36 vjeç, lindur dhe banues në Fushë Krujë, Egli SELACI, 28 vjeç, lindur dhe banues në Fushë Krujë, Shkëlqim MIRI, 47 vjeç, lindur dhe banues në Fushë Krujë, Amarildo MULLETI, 30 vjeç, lindur dhe banues në Tiranë, Durim DEMIRI, 24 vjeç, lindur dhe banues në Fushë Krujë,
Hysni DEMIRI, 59 vjeç, lindur dhe banues në Fushë Krujë. Si dhe u shpall në kërkim shtetasi P.D.
Forcat policore në operacion kanë ndërhyrë në aksin rrugor Fushë Krujë- Vorë, në momentin që do kryhej shkëmbimi i lëndës narkotike.
Si rezultat i ndërhyrjes është sekuestruar në një automjet furgon që ndodheshin shtetasit Bledar Coraj dhe Egli Selaci , rreth 170 kg Cannabis Sativa.
Ndërsa pjesa tjetër e lëndës narkotike është sekuestruar në banesat e personave të arrestuar.
Personat e lartpërmendur janë arrestuar në flagrancë pasi dyshohen se në bashkëpunim me njëri -tjetrin po ushtronin aktivitetin kriminal të trafikimit të lëndëve narkotike. Ata akuzohen për veprat penale të trafikimit të lëndëve narkotike dhe grup i strukturuar kriminal. /Opinion.al
