TIRANË- Gjahtarë nga i gjithë vendi janë duke protestuar para Kryeministrisë kundër vendimit të Qeverisë për zgjatjen e moratoriumit të gjuetisë edhe për 5 vite të tjera. Janë rreth 1000 protestues para selisë së Qeverisë që kërkojnë lejimin e gjuetisë në mënyrë kontrolluar.
Themi Perri kryetar i Shoqatës së Gjuetarëve tha për Opinion.al se: “Tubimi i sotëm është kundër një vendimi absurd për të shtyrë me 5 vite të tjera moratoriumin e gjuetisë. Në asnjë vend të botës nuk ka pasur një bllokim të gjuetisë. Kjo nuk është asgjë tjetër vetëm paaftësi e shtetit për të zbatuar ligjin. Ne jemi 12 mijë anëtarë të shoqatës në gjithë vendim dhe kemi ardhur sot për ti thënë jo moratoriumuit të propozuar nga Ministria e Mjedisit. Ne nuk do të lejojmë që të kalojë në parlament. Ne duam të ushtrojmë aktivitetin aktivitetin në bazë të ligjit shqiptar dhe në mënyrë të organizuar”.
Kujtojmë se moratoriumi i gjuetisë u vendos dy vite më parë. Në Mars përfundonte afati, por Ministria e Mjedisit ka propozuar ti kalojë parlamentit vendimin për ta shtyrë moratoriumin edhe për 5 vite të tjera.
/Opinion.al/
