Edi Rama dhe Ilir Meta kanë darkuar mbrëmë tek Pazari i Ri në qendër të Tiranës. Në përvjetorin e 4 të koalicionit qeverisës, Rama-Meta kanë përsëritur darkën e peshkut, por ende nuk dihet nëse kanë rinovuar edhe marrëveshjen e bashkqeverisjes.
Darka nisi mbrëmjen e së dielës rreth orës 21:00. Ata ishin të shoqëruar nga Erion Veliaj dhe Petrit Vasili.
Rreth orës 01:00 të ditës së sotme ka lënë i pari restorantin Rama i shoqëruar nga Veliaj, disa minuta më vonë kanë dalë dhe Meta me Vasilin.
Edhe pse sheshi përpara restorantit ishte i mbushur me kamera, Rama dhe Meta nuk kanë pranuar të japin asnjë prononcim.
Takimi mes Ramës dhe Metës erdhi një ditë pas 1 Prillit, datës së marrëveshjes së 4 vite më parë dhe pak orë pas ftesës që Rama i bëri kryetarit të LSI gjatë punimeve të Asamblesë së PS.
Rama u shpreh në Asamble se socialistët janë gati, ndërsa i takon LSI për të vendosur….
*Pamje në përfundim të darkës
