Këtë të dielë nisi eventi më i rëndësishëm futbollistik, edicioni i 22-të i Kampionatit Botëror, i cili si asnjëherë më parë do të luhet në dimër, në Katar, në një vend ku temperaturat janë të larta.
Ndërkohë, përpara ndeshjes hapëse të këtij turneu mes Katarit dhe Ekuadorit, në stadiumin Al Bayut u zhvillua një ceremoni madhështore.
Pjesë e ceremonisë hapëse ishte edhe aktori hollivudian, Morgan Freeman i cili dha përpara mijëra personave të pranishëm në stadium dhe telespektatorëve mesazhin se me tolerancë dhe respekt reciprok popujt mund të bashkëjetojnë.
Më tej, pati kërcime dhe spektakël me drita, teksa nuk munguan as maskotët apo këngët zyrtare të Botërorëve ndër vite.
Ndërkohë, pas lajmeve se shumë këngëtarë të mëdhenj kishin refuzuar të merrnin pjesë në ceremoni, për shkak të akuzave për abuzime me të drejtat e njeriut në Katar, në skenë u ngjit vetëm këngëtari koreano-jugor Jung Kook.
Sakaq, Emiri i Katarit, Emiri Sheikh Amim bn Hamad al-Thani, mbajti gjithashtu një fjalim të shkurtër, ku u uroi gjithëve mirëseardhjen dhe suksese./Opinion.al
