Pamjet që transmetuan sot mediat në Kosovë treguan për një arrestim të dhunshëm të deputetit dhe themeluesit të Vetëvendosjes Albin Kurti në dyert e parlamentit. Me dhjetëra forca policie të angazhuara për të vënë në pranga Kurtin dhe dy deputetet e tjera të parlamentit të Kosovës, Albulena Haxhiu dhe Donika Kadaj-Bujupi.
Policia përdori gazin lotsjellës me tepricë gjatë këtij arrestimi. Të njëjtin mjet që përdori Kurti në Parlament që sot i kushtoi arrest me burg 1 muaj.
Nga gazi i policisë janë lënduar disa gazetarë, operatorë por dhe deputetë të tjerë të VV-së.Pamjet tregojnë gazetaren Valdete Berisha të shtrirë të tokë, pa ndjenja.
Për incidentin ka reaguar Asociacioni i Gazetarëve të Kosovës duke u shprehur se “Derisa Policia e Kosovës po kryente aksionin e arrestimit të deputetëve të Vetëvendosjes, një gazetare dhe një kameran e pësuan nga hedhja e sasisë së madhe të spreit nga ana e policisë”.
Të lënduar ka patur edhe në radhët e policisë. Njëri nga zyrtaret policor është sulmuar me grusht nga i dyshuari Driton Çaushi. Gjithsej janë paraqitur në spital 5 policë. /Opinion.al
*Video: Gazetarja e shtrire ne toke pa ndjenja
