Bota

Foto-Video/ 13 të vdekur nga vullkani në ishullin Java, shumë të plagosur rëndë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:48 - 05/12/21 |
Opi Nion

Të paktën 13 persona kanë vdekur deri më tani dhe dhjetëra të tjerë kanë mbetur të plagosur pas shpërthimit të vullkanit në ishullin Java të Indonezisë, të shtunën, shkruan BBC.

Banorët u filmuan duke ikur me vrap pasi një re gjigande hiri doli nga mali Semeru.

Siç mund të shihni edhe në videon e mëposhtme hiri i vullkanit ka shpërthyer duke mbuluar fshatra të tëra, ndërsa vendasit kanë thënë se tymi bllokoi edhe diellin, duke i lënë në errësirë.

Zyrtarët thanë se të paktën 57 persona janë plagosur, shumë prej të cilëve kanë pësuar djegie të rënda.

Një zëdhënës i agjencisë indoneziane për zbutjen e fatkeqësive (BNPB) tha se të lënduarit po trajtoheshin në spitale dhe objekte të ndryshme mjekësore.

Shpërthimi ka lënë të paktën 11 fshatra në rrethin Lumajang të mbuluara me hi vullkanik, duke zhytur shtëpi dhe duke i detyruar disa të evakuuar të kërkojnë strehim në xhami dhe strehimore të improvizuara.

Sipas zyrtarëve të BNPB, 902 persona janë evakuuar nga zona deri më tani. Por përpjekjet për evakuim janë penguar nga tymi mbytës./Opinion.al


Pas