Më 25 Maj, 46-vjeçari George Floyd në Mineapolis të SHBA u ndalua nga 4 oficerë policie. Ende nuk dihet si u ndalua, por një video që qarkulloi në rrjet tregoi se si ai ishte shtrirë në tokë nga policët një prej të cilëve i kishte vendosur gjurin në grykë.
“Nuk marr dot frymë”, dëgjohej të thoshtë Floyd por kjo nuk i bëri përshtypje oficerëve të policisë. Ai ndërroi jetë por pamjet e dhunës së ushtruar ndaj tij përçuan valë të forta revolte në të gjithë Shtetet e Bashkuara të Amerikës. Protesta të shumta shpërthyen në Mineapolis për t’u përhapur më vonë në të gjithë vendin.
Disa prej tyre ishin të dhunshme ndërsa të tjera u mbajtën paqësore. Ndërtesa dhe makina të djegura, policë që përleshen me turmat dhe pankarta “I can’t breathe” kanë pushtuar SHBA prej një jave tashmë. Disa qytete kanë shpallur gjendjen e emergjencës. Presidenti Turmp kërcënoi me futjen e ushtrisë por duket se u tërhoq.
Imazhet e mëposhtme tregojnë disa episode të asaj që është revolta më e madhe popullore në SHBA që prej viteve 60’. /Opinion.al
