Një vajzë 4-vjeçare është rrëmbyer dhe sulmuar nga një luan mali. Kjo ngjarje e ndodhur në Amerikë, për pak sa nuk është kthyer në një tragjedi.
Vogëlushja ndodhej sëbashku me familjen e saj, në një kamp në “Canyon Hot Springs” , Idaho, në lindje të qytetit të Reksburg.
Vajza, me emrin Kelsi ishte me nënën e saj, vëllezërit, motrat dhe kushërinjtë, të cilët po hanin darkë, në momentin kur vunë re një luan mali aty pranë, që u largua më pas, duke mos i kushtuar rëndësi.
Pak më vonë, nëna e vuri vajzën për të fjetur në çadër, ndërsa vetë së bashku me djalin e saj 6-vjeçar u largua në pyll për të kryer nevojat personale.
Por, ajo u trondit sapo dëgjoi ulërimat e vajzës së saj e cila ishte sulmuar nga luani.
Fatmirësisht vogëlushja u shpëtua nga kthetrat e kafshës, falë ndërhyrjes së shpejtë të familjarëve të saj, të cilët arritën ta merrnin./tvklan.al
