Ditën e djeshme, vajza e ish-kapitenit Lorik Cana, festoi 1-vjetorin e lindjes. Cana dhe bashkëshortja e tij i organizuan të voglës Enkeleidë një festë të bukur, me zbukurime plot ngjyra.
Ka qenë bashkëshortja e Lorikut ajo që publikoi disa pamje në llogarinë e saj në “Instagram” nga festa e ditëlindjes. Në foto shihet një pjatë me numrin një dhe disa shkopinj me yje.
Ndërsa në foton tjetër, duket një ambient i zbukuruar me shumë tullumbace me ngjyra të ndryshme dhe me vizatime e urime ditëlindjeje për të voglën. Ndër të tjera, Monika zbuloi se vizatimet në foto janë bërë nga disa fëmijë që kanë qenë të ftuar në ditëlindjes e Enkeleidës.
Çifti është kujdesur që portreti i të voglës së tyre të mos zbulohet, sepse në ato pak foto që kanë publikuar me të në rrjete sociale, vihet re se e vogla i ka kthyer kurrizin kamerës. Loriku dhe Monika janë edhe prindër të një djali, i cili quhet Boiken, teksa as pamjen e djalit të tyre nukn e kanë publikuar në median sociale./opinion.al
