Ai njihej si “Nardi i bujtinave” dhe ishte një nga njerëzit që donte të promovonte sa më shumë Thethin.
35-vjeçari Ferdinand Polia, punonjës i Administratës Rajonale të Zonave të Mbrojtura në Shkodër, u qëllua me armë zjarri rreth orës 16:30 në fshatin Grudë, brenda në makinë.
Fillimisht mbeti i plagosur dhe u dërgua me urgjencë në spitalin rajonal të Shkodrës, por fatkeqësisht nuk mundi të mbijetojë.
Policia ka nisur hetimet për zbardhjen e ngjarjes si dhe për identifikimin e autorit.
Jo pak herë, ai ka paraqitur shqetësimin lidhur me infrastrukturën në zonën e Thethit, ku kishte dhe bujtinën e tij të njohur me emrin “Polia”./Opinion.al
