Vijojnë hetimet në lidhje me sulmin terrorist në Vjenë, ku mbetën të vrarë katër persona dhe u plagosën 22 të tjerë. Ministri i Punëve të Brendshme të Austrisë, Karl Nehammer, ka deklaruar sot se deri tani janë arrestuar 15 persona të dyshuar.
Mediumi austriak “OE24” shkruan se mes 15 të arrestuarve tre janë me origjinë shqiptare, ndonëse nuk përcaktohet nëse ata janë shqiptarë të Kosovës apo të Maqedonisë së Veriut
Kujtim.K, 16-vjeç Argjend G.,22 vjeç dhe Arijanit F. 21-vjeç janë në mesin e të arrestuarve për ngjarjen e rëndë.
Sipas burimeve të “OE24”, 15 personat e arrestuar si të dyshuar kanë jetuar në Vjenë, St.Polten dhe Modlig.
Kujtojmë se sulmi terrorist në Vjenë u regjistrua mbrëmjen e 2 nëntorit. Personi që qëlloi me armë zjarri ndaj civilëve të pafajshëm duke lënë 4 të vrarë dhe 22 të plagosur ishte Kujtim Fejzulai, shtetas shqiptar nga Maqedonia e Veriut. Ai u ekzekutua nga policia 9 minuta pasi nisën të shtënat./ Opinion.al
