Policia njoftoi sot arrestimin e një personi të katërt që dyshohet se është i përfshirë në vrasjen e Hekuran Billës mbrëmjen e 11 qershorit.
Në pranga u vu Gjekson (Petrit) Pusi, 33 vjeç i cili dyshohet se ka qenë drejtuesi i mjetit që transportonte shtetasin Viktor Marku, i dyshuar si autori kryesor i vrasjes së shtetasit Hekuran Billa.
Gjekson Pusi gjithashtu dyshohet se është autor i ngjarjes së ndodhur në fshatin Vukatanë, ku u qëllua me armë zjarri në drejtim të automjetit në pronësi të DPSHTRR, që drejtohej nga shtetasi Fatjon Harusha, kushëri i deputetit të PS, Luan Harusha.
Gjekson Pusi është arrestuar në tetor 2019 duke qarkulluar me armë zjarri me vete, ndërsa ishte dënuar më parë me 8 vite burg për vjedhje me armë. /Opinion.al
