Kënga e saj “Pse prite gjatë” duket se u prit mirë jo vetëm nga publiku, por edhe nga juria e Festivalit të RTSH-së.
Bëhet fjalë për këngëtaren Rezarta Smaja, e cila ka edhe një tjetër gëzim në jetën e saj.
Blitz.al ka mësuar se këngëtarja nga Shkodra do të bëhet nënë për herë të parë. Ajo është në muajin e tretë të shtatzënisë, por ka qenë shumë aktive gjatë netëve të festivalit. Rezarta është parë herë pas here të mbante me duar barkun e saj dhe burime pranë këngëtares pohojnë se ajo mezi pret të bëhet nënë.
Rezarta Smaja është një nga këngëtaret e njohura të rrymës pop-rock. Në të gjitha festivalet ku ka marrë pjesë, këngët e saj janë renditur në top dhjetëshen e këngëve më të mira.
