Duket se në minutat e fundit para fillimit të ndeshjes miqësore të kombëtares shqiptare me atë të Bosnjës, është rritur edhe interesi nga tifozët për të parë ndeshjen në stadium.
Tribunat e “Elbasan Arenës” pritet që sot në takimin që do të fillojë në orën 18:00 të kenë një numër të konsiderueshëm të pranishmish.
Në ditët e kaluara interesimi për këtë ndeshje ka qenë i ulët teksa rrallëherë kishte njerëz para biletarisë së stadiumit të Elbasanit, ndërsa sot në ditën e ndeshjes interesimi është rritur ndjeshëm, aq sa janë krijuar edhe radhë të tifozëve që kërkojnë të blejnë bileta.
