Mbështetësit e skuadrës së Partizanit, të cilët janë nisur të organizuar drejt Elbasanit për të mbështetur skuadrën e tyre në derbin kryeqytetas, janë ndaluar nga policia.
Kjo e fundit u ka komunikuar që duhet të presin për të hyrë në qytet duke i shpjeguar se gjithçka kishte lidhje me rivalët e tyre, tifozët e Tiranës.
Sipas procedurës që ka aplikuar policia e Elbasanit, për të shmangur çdo lloj përplasje të mundshme mes palëve, është vendosur që tifozeria e Tiranës të sistemohet në stadium sapo të mbërrijë në këtë qytet.
Ndërkaq, tifozët e Partizanit do të mbahen larg qytetit dhe do t’u lejohet të hyjnë në Elbasan dhe të shkojnë drejt stadiumit, për t’u vendosur në tribunat përkatëse, vetëm pasi tifozeria bardheblu të jetë sistemuar në “Elbasan Arena”.
