Një burrë 53 vjeçar është në gjendje kritike pasi është sulmuar jashtë stadiumit Anfield të ekipit anglez, Liverpool në përfundim të ndeshjes së gjysmëfinales në Ligën e Kampionëve, që u fitua nga Liverpool. Dy persona të moshës 25 dhe 26 vjeçare që vijnë nga Roma, janë arrestuar në dyshimet për tentim-vrasje.
I plagosuri, që besohet se është tifoz i Liverpoolit po mjekohet për plagën në kokë, ka thënë policia. Përmes një deklarate, Liverpool ka thënë se është “i shokuar” dhe është i gatshëm për të ofruar “mbështetje të plotë” për të.
Përleshjet në mes të përkrahësve të të dy ekipeve kanë filluar pak kohë para nisjes së ndeshjes dhe vazhduan edhe ne perfundim te saj.
Rreth 80 simpatizantë të ekipit të Romës kanë përdorur hyrje-daljet e një zone ku ishin mbledhur mbështetësit e Liverpoolit.
