Futbollisti i kombëtares, Taulant Xhaka duket se i ka ndjekur me vëmendje deklaratat e taktikut Gianni de Biasi, mbrëmjen e djeshme në emisionin “Opinion”.
Ndër të tjera, trajneri e ka kritikur për largimin e papritur.
“Nuk vret nga unë por nga sjellja e tij, ai ka gabuar. Ka dhe episode te tjera qe nuk janë pare nga telekamerat, qe unë nuk dua te flas, pasi dua qe te mbroj figurën e tij, unë jam 60 vjeç, nuk jam 27 si Taulanti”, ka de deklaruar de Biasi.
Italiani ka thënë gjithashtu se Xhaka ka zgjedhur kombëtaren e Shqipërisë pasi nuk është pranuar në atë të Zvicrës ashtu si vëllai i tij, Graniti.
Për këtë Xhaka ka vendosur të përgjigjet me anë të një postimi në Facebook, me një fotografi me disa data të rëndësishme për shqiptarët.
Në këtë fotografi të Xhakës shfaqen vitet 1190 (Principata e Arbërit), 1443 (ngritja e flamurit nga Skënderbeu), 1912 (ngritja e flamurit nga Ismail Qemali) dhe viti 2017, në të cilin jemi tani.
Kështu ai ka dashur të tregojë se pavarësisht konfliktit me de Biasin, ai do mbetet pjesë e kësaj kombëtareje.
