Mesfushori i Kombëtares Shqiptare të Futbollit, Taulant Xhaka në postin e tij të fundit në rrjete sociale duket i bindur për rezulatin e ndeshjes së nesërme.
Ai ka shpërndarë një foto nga stërvitja duke kujtuar se kombëtarja tonë ka shpresa për tu kualifikuar në Kampionatin Botërorë “Rusi 2018”.
Ai pritet të jetë në fushë kundër Izraelit që nga minuta e parë.
Taulanti nuk ka harruar as tifozët e ekipit kuq e zi duke i cilësuar ata si më të mirët në botë.
Ja çfarë ka shkruar ai në Facebook.
“Stërvitje në maksimum për të qenë nesër në TOP formë. Futemi nesër në fushë vetëm për tre pikë. Si gjithmonë shpirtin do japim për të arrit objektivin “Rusi 2018”. Të barabartë kundër çdo kundërshtari. Luhet 11 kundër 11. Ne kemi tifozat ma të mirë në botë”, ka shkruar ai në rrjetet sociale.
