Super modelja Kendall Jenner ka mbyllur profilin e saj në Instagram në mënyrë të papritur, mbrëmjen e të shtunës. 20 vjeçarja e familjes Kardashian-Jenner, nuk është më pjesë e këtij rrjeti social.
Javët e fundit modelja kishte publikuar më tepër foto nga punët e saj profesionale, si dhe momente me shoqet Bella Hadid dhe Karlie Kloss.
Kendall ka përdorur Instagramin edhe për të nxitur amerikanët të votojnë në ditët e zgjedhjeve.
Kujtojmë se Kendall nuk është personazhi i parë publik që vendos të largohet nga rrjeti social, pasi Justin Bieber para disa muajsh ndërmori të njëjtin veprim drastik.
Me siguri Jenner do të jetë duke përdorur ndonjë profil privat me shumë më pak ndjekës.
