Era e fortë ka marrë përmasat e një uragani mbrëmjen e djeshme në zonën e Focene në komunën e Fiumicions në Itali. Për pasojë deri tani raportohen dy viktima dhe shumë dëme materiale.
Një nga viktimat raportohet të jetë një 27 vjeçare, e cila gjatë stuhisë ishte duke udhëtuar me makinë. Ajo kishte ndaluar pranë një karburanti por uragani ishte bërë aq i fortë sa e hodhi makinën e saj 10 metra larg duke i shkaktuar plagë të rënda.
Dëmet materiale janë të shumta ndërkohë nga pamjet e zonës mund të shihen edhe pemët që janë shkulur nga toka.
Moti në Itali ka regjistruar edhe një viktimë tjetër në jug. Bëhet fjalë për një shtetase norvegjeze. Ajo ishte atlete dhe po kryente vrapimin në një mal të zonës kur u godit nga një rrufe. Edhe pse iu dha ndihma e shpejt, 45-vjeçarja nuk ia doli të mbijetonte. /Opinion.al
