Studentët e Fakultetit të Shkencave të Natyrës të mërkurën shkuan sërish për të protestuar te Ministria e Arsimit.
Studentët kanë vendosur për t’iu rikthyer edhe njëherë protestës, pikërisht në pikën ku nisi.
Ata kanë goditur me vezë dhe bojra godinën e Ministrisë, duke kërkuar dhe miratimin e kërkesave të tyre.
Protesta e studentëve të universiteteve publike është në javën e gjashtë të saj, qyshkur nisi nga fillimi i dhjetorit.
Krahas bojkotit dhe ngujimit në mjediset e brendshme të fakulteteve, studentët duket se po i rikthehen edhe njëherë tjetër tubimeve masive në rrugë, ndërsa autoritetet po përpiqen t’i bindin ata të kthehen në auditore, por pa prekur ligjin e debatuar për arsimin e lartë./Rel.d/
