“Bëjmë shtet”, kështu shkruhej sot në podiumin ku u ngjit për të folur Edi Rama. Gjatë gjithë javës ai ka folur për Vetingun, ndërsa fjalimin e sotëm e përqendroi tek lufta kundër drogës.
Nuk dihet nëse këtë sllogan do ta përdorë edhe në fushatë, por me gjasa PO pasi artikulohet shpesh nga socialistët se: “Edi Rama po bën shtet!”
Ndërsa për drogën ai dha një shifër paksa të çuditshme kur tha se janë shkatërruar 99 për qind e parcelave.
“Ne kemi kryer shume operacione në bashkepunim me policine italiane e cila ka qenë një ndihmesë e rëndësishme e jona. Aktualisht janë bërë 4200 kontrolle parandaluese në të gjithë vendin për parandalimin dhe kultivimin e lëndëve narkotike. Shkatërruam 99% të parcelave në vend”, tha ai.
Nuk duhet harruar shtoi Rama se vetëm para 3 vitesh realiteti ishte krejt ndryshe, duke sjellë në vëmendje Lazaratin dhe pamundësinë e policisë për të ndërhyrë në këtë fashat.
Lufta jonë do te jetë pa kompromise dhe e vazhdueshme në çdo vend të shqipërisë, vijoi ai.
